غزل- سر کٹواکر

سر کٹواکر خوں میں لت پت سر لایا ہوں سونے دو 

مقتل سے میں چلتے چلتے گھر آیا ہوں سونے دو

طوفاں دیکھا آنسو دیکھے جب سے آنکھیں کھولی ہیں 

ان آنکھوں میں خوں کا دریا بھر لایا ہوں سونے دو 

کل جب اپنی صورت دیکھی آئینہ نے دیکھا تھا 

کل میں کتنا خود سے خود ہی شرمایا ہوں سونے دو

اب تو ہر سو ماتم ہوگا گلشن صحرا روئینگے 

نوک نیزا پر میں اپنا سر لایا ہوں سونے دو

میت, مردے, قبریں, گلشن, کلیاں پیاسی, ٹوٹے دل 

اک دن یہ سب دیکھا اور گبھرایا ہوں سونے دو 

پورا دن پانی کو ترسا سورج نے سب چیرا تھا 

کھلنے والا تھا گلشن میں مرجھایا ہوں سونے دو 

جب مرنا ہو مرجائیں گے ذیشاں ہم کو کیا غم ہے

اپنی بخشش خاک کربل سب لایا ہوں سونے دو